Ciberencontro Kernel 2012

O pasado sábado 26 de maio, Pablo Robatto e Alberto Permuy, vicepresidente e presidente da Asociación Comunidade O Zulo reuníronse co Concelleiro de Cultura do Concello de Mugardos, Xosé Bouza, para tratar entre outros temas, a celebración do IX Ciberencontro Concello de Mugardos “Kernel 2012”

O resultado da reunión foi moi satisfactorio, tanto, que xa podemos confirmar que o “Kernel 2012” celebrarase os días 21,22 e 23 de setembro na Casa da Cultura do Concello de Mugardos.

Tanto o Concello de Mugardos como a Asociación Comunidade O Zulo son conscientes do momento que vivimos e das enormes dificultades que teremos que sortear para poder organizar o evento. Aínda así, estamos convencidos que co voso apoio e axuda estaremos todos/as xuntos en setembro apoiando o software e a cultura libre, un ano máis.

O programa terá poucas variacións en relación á edición anterior. O venres 21 incluiremos unha charla cuxo obxectivo será achegar ao maior número de xente as vantaxes do sistema operativo GNU/Linux. O sábado 22 pola mañá temos programado un pequeño obradoiro de introdución á robótica con hardware libre “Arduino”.Xa pola tarde, disfrutaremos da “Ciberolimpiada”, e como podedes imaxinar despois teremos que encher o bandullo no “PorkoByte”, a clásica laconada do “Kernel 2012”.  Ás 23:59 a nosa idea é “rockanrolear” no II Rock No Trope.  Dende a organización temos preparada algunha sorpresa que publicaremos en breve.

O prezo das inscricións será de 8€ para os socios/as da Comunidade e de 10€ para os non socio/as. Por suposto está incluído no prezo da entrada a camisola, a invitación para o II Rock No Trope e a cea do sábado “PorkoByte”.

Datas de celebración
21, 22 e 23 de Setembro de 2012
Participantes
71
Patrocinadores
Taperia Plaza, Calsomatu, Pescadería Rosa, Mar de Lucía, César Pena, Pub O Trope, Ada Formación
Conexión a Internet
Sen definir ou 5x ADSL 3Mbps
Arquivo
Programa

Venres 21

  • 17:00 Apertura

  • 21:00 Drupal #BoF

  • 23:00 Primeira rolda OpenArena

Sábado 22

  • 12:00 Charla "Trasno/GalPON"

  • 12:40 Charla "EpiLinux"

  • 13:20 Charla "Usos profesionais de GNU/Linux: 5 casos reais"

  • 17:00 Obradoiro: "Iniciación á robótica con Arduino"

  • 19:00 CiberOlimpiada

  • 22:00 PorkoByte: CiberLaconada

  • 23:59 II Rock No Trope

  • 00:00 Café

Domingo 23

  • 12:00 Final Campionato OpenArena

  • 13:30 Entrega de premios

  • 17:00 Clausura